វៀតណាមនឹងចំណាយ ៣២ លានដុល្លារវិនិយោគ រ៉ែដែក នៅខេត្តរតនគិរី
- ជំនួយ ២៥ លានដុល្លារ សាងសង់អគាររដ្ឋបាលនៅវិមានរដ្ឋសភា
- ទំហំវិនិយោគវៀតណាមនៅកម្ពុជា បានកើនដល់ជាង ១ពាន់ ៥រយលានដុល្លារ
-
វិនយោគលើវិស័យចំនួន ៧ នៅកម្ពុជា
ម្រោងវិនិយោគរ៉ែដែកនៅខេត្តរតនគិរីក្នុងទំហំប្រាក់ប្រមាណ៣២លានដុល្លាររបស់ក្រុមហ៊ុនវៀតណាមបានលេចឡើងក្រោយប្រតិភូតំណាងរដ្ឋាភិបាលវៀតណាមបានមកដល់កម្ពុជាកាលពីម្សិលមិញ។ល្ងាចថ្ងៃទី២០ខែកក្កដាឆ្នាំ២០១៧សម្តេចតេជោហ៊ុនសែននិងលោកង្វៀនភូជុងអគ្គលេខាធិការបក្សកុម្មុនីស្តវៀតណាមបានធ្វើជាអធិបតីក្នុងពិធីចុះហត្ថលេខាលើអនុស្សារណៈនៃការយោគយល់គ្នារវាងវិនិយោគិនកម្ពុជា-វៀតណាមក្នុងនោះមានគម្រោងវិនិយោគរ៉ែដែកដោយក្រុមហ៊ុនHongAnhនៅខេត្តរតនគិរីក្នុងទំហំប្រាក់សរុប៣២លានដុល្លារ។
ដោយឡែកបើតាមសេចក្ដីប្រកាសលើអនុស្សារណៈនោះមិនបានបញ្ជាក់ពីកាលបរិច្ឆេទនៃការចាប់ផ្ដើមដំណើរការនៅឡើយទេ។បន្ថែមពីលើនេះសាធារណរដ្ឋសង្គមនិយមវៀតណាមសន្យាផ្តល់ជំនួយជាទឹកប្រាក់ចំនួន២៥លានដុល្លារអាមេរិកដល់រដ្ឋសភាកម្ពុជាសម្រាប់សាងសង់អគាររដ្ឋបាលកម្ពស់ជាង១០ជាន់នៅក្នុងបរិវេណវិមានរដ្ឋសភា។
គិតចាប់ពីឆ្នាំ១៩៩៤រហូតដល់ខែមិថុនាឆ្នាំ២០១៥ទំហំវិនិយោគវៀតណាមនៅកម្ពុជាបានកើនដល់ជាង១ពាន់៥រយលានដុល្លារក្នុងនោះវិនិយោគលើវិស័យមានកសិ-ឧស្សាហកម្មកាត់ដេររ៉ែនិងថាមពលទូរគមនាគមន៍ទេសចរណ៍សុខាភិបាលនិងធនាគារជាដើម៕
សូមអានពត៌មានបន្ថែម៖
-លង់នឹងធម្មជាតិតាមដងផ្លូវពីរតនគីរីទៅមណ្ឌលគីរីឃើញហើយរសាយហ្មងសៅ
-ស្តង់ចំនួន៣៧ត្រៀមសម្រាប់ផលិតផលជនជាតិដើមភាគតិចនៅរតនគិរី
-ភូមិខ្មោចដ៏អាថ៌កំបាំងនៅរតនគីរីគ្រាន់តែឃើញព្រឺសម្បុរ
ប្រភព៖ SabayNews
Comments
Post a Comment